Ешэгмаа, манайл дуран гүбэ, аашалаял: "минииень" урдань табиял, "мүнхыень" саашань болгоёл, "майгаашье" бү хаяял. Тиигэбэл шүлэгэймнай бадагууд иимэ боложо үгэнэ:
1. Уужамхан талымнай дундахана
    Ургы, ургы, ургыхан,
    Улаанхан Үдымнай тэндэхэнэ
    Зулгы, зулгы, зулгыхан.
2. Майлахан хадымнай урдахана
    Мойһон, мойһон, мойһохон,
    Мойһоной сэсэгэй дундахана
    Мойһон нюдэнш дулаахан.
3. Майханхан огторгой дорохоно
    Минии дуран һалбараа,
    Мүнгэлиг аршаанай ойрохоно
    Мүнхын зула бадараа. 
4. Аяархан холоһоо май һарахан
    Арюун анхил асараа ...
         Саашань шада ядашье һаа, зохёогыт даа, хии мори унаһан нүхэдүүдни. Дүрбэ-табан бадаг болгоогоод, дабталга зохёогоод, композиторые бэдэржэ олоод, "минусовка" хүүлээд, хэн нэгэ дуушанаар дуулуулаад, Ешэгмаамнай ордёогоороо хамтынгаа гимные ханхинуулна бэзэ. Би Алханын ехэ гороо хээд ерэхэмни, хиисхүүртэй уулзахабди.