Би – буряадби Би – буряадби, Буряад боложо ерэһэнби. Байгал далайе тойроһон, Байгаалитай ниисэһэн Буряад зон соо түрэһэнби. Би – буряадби, Буусаяа эндэ заалгаһамби. Баабай эжын һургаһан Баян дүршэлынь залгаһан Буряад хүнүүдэй һадаһанби. Би – буряадби, Бурхан тэнгэриһээ заяатайби. Бүгэдэндэ амары үреэһэн, Бүхы амитании хайрлаһан Буряад һүлдэтэй хүбүүнби. Би – буряадби, Буряад дайдын үүргэтэнби. Баруунай зонии багтааһан, Буян хэшэгээ хубаалдаһан Буряад зантай хүбүүнби. Би – буряадби, Баян буряад хэлэтэйби. Бадарган соёлоо хүгжөөһэн, Баруун зүүнгүй мэдүүлһэн Бардам арадай хүбүүнби. Би – буряадби, Бүмбэрсэг уласай нэгэнби. Буянии бултанда түхөөһэн Буддын һургаалда этигэһэн Буряад арадай хүбүүнби. Би – буряадби, Бууралһаа үгэ дуулаһанби. Богдо Гэсэрынь шагнаһан, Баатарлиг ажалынь анхарһан Баатар арадай хүбүүнби. Буряад гэдэг биби.